«Қайрат» пен» Зета» футбол командалары арасындағы кездесу 3:0 есебімен аяқталды
АЛМАТЫ. 8 ақпан. ҚазАқпарат - Кеше Түркиядағы оқу-жаттығу жиыны кезінде Алматының «Қайрат» футбол командасы Черногорияның Подгорицы Голубовци қаласының «Зета» командасымен спаррингтік кездесу өткізді.
Владимир Вайсс жаттықтыратын алматылықтар Черногорияның Бірінші лигасында 2011/12 жылғы маусымда қола жүлдегер атанған, Дарко Шушкавчевич жаттықтыратын «Зета» құрамасының қақпасына жауапсыз 3 доп соқты. Ойын барысында Йосип Кнежевич, Илья Калинин мен Олег Недашковский көзге түсті.
