«Қайрат» жастар футбол командасы Қытайдағы халқаралық турнирдің жеңімпазы атанды
АСТАНА. KAZINFORM – «Қайрат» жастар футбол командасы Қытайдың Сиань қаласында өткен халқаралық турнирде жеңіске жетті.
«Chinanews» сайтының хабарлауынша, 5 елден келген 14 жасқа дейінгі 8 футбол командасы өзара мықтыны анықтады. Алматылық «Қайрат» жастар (U14) командасы топтық кезеңде 2 жеңіс және 1 жеңіліс нәтижесімен 6 ұпай жинап, келесі кезеңге екінші орынмен жолдама алды.
Біліктілік кезеңінде, алматылық жастар А тобының жеңімпазы өзбекстандық команданы 2:1 есебімен қапы қалдырды.
Финалдық ойында, «Қайрат» жастар құрамасы қытайлық «Шэньчжэнь» жастар құрамасымен кездесіп, негізгі уақытта 2:2 есебімен тең түсті. Пенальтилер сериясында 5:3 есебімен «Қайрат» жеңіске жетті.
Айта кетейік, елордалық «Астана» командасы Қазақстан Премьер-лигасында көш бастады. Ал «Қайрат» екінші орынға жайғасты.
