Қаза тапқандар бар: Сан-Паулуда ұшақ адамдар көп жүретін даңғылға құлады

АСТАНА. KAZINFORM – Сан-Паулудағы Маркес-де-Сан-Висенте даңғылына құлаған ұшақ автобусқа соғылған, деп жазады Report.

Жергілікті өрт сөндіру қызметінің хабарлауынша, ұшақ апатынан кемінде екі адам қаза тапқан. Автобус жолаушыларының бірі жарақат алып, ауруханаға жеткізілді. Қалған жолаушылар жанып жатқан көліктен аман-есен шығарылған. 

- Қаза болған екі адамның мәйіті Beech F90 King Air ұшағының фюзеляжынан табылды, - деп хабарлады G1 басылымы. 

Айта кетейік, бұған дейін Вашингтонда өзеннен әскери тікұшақ қалдықтары табылды. Сондай-ақ Америка билігі Аляска штатында із-түзсіз жоғалып кеткен ұшақты іздестіріп жатқанын хабарлаған едік.