«ҚазАгро» құрамындағы қаржы институттары біріктірілуі мүмкін - Д.Айтжанов
АСТАНА. 13 тамыз. ҚазАқпарат - «ҚазАгро» ұлттық холдингі құрамындағы кейбір қаржы институттарын біріктіруі мүмкін. Бұл туралы бүгін өткен Үкімет отырысында «ҚазАгро» холдингінің басқарма төрағасы Дулат Айтжанов мәлім етті.
«Біз холдинг жұмысын «бір терезе» принципі бойынша қалыптастырамыз және де таяу арада «ҚазАгро» холдингінің құрылымына енетін бірнеше қаржы институттарын біріктіруді жоспарлап отырмыз», - деді ол.
Оның айтуынша, «ҚазАгро» ұлттық басқару холдингі» АҚ Қазақстанның агроөнеркәсіптік кешенін дамыту бойынша мемлекеттік саясатты компанияның құрылымына енетін инвестициялық активтерді тиімді басқаруды қамтамасыз ету арқылы жүзеге асырады.
