Қазақ әртістері Қытайда өнер көрсетті
![концерт концерт](/static/img/plug.webp)
АСТАНА. KAZINFORM — Қытайдағы Қазақстан туризм жылы аясында Роза Бағланова атындағы «Қазақконцерт» мемлекеттік академиялық концерттік ұйымының әртістері Дэчжоу мен Ланфан қалаларында өнер көрсетті.
![биші бишілер](https://img.inform.kz/kazinform-photobank/media/2024-06-22/ba7cdc49-1c9b-4c0a-a0e1-3e138fe64bf3.jpeg)
Іс-шараға Қазақстанның еңбек сіңірген қайраткерлері Елмұра Жаңаберген, Ардақ Балажанова, Салтанат Ахметова, Медет Чотабаев, Мәдениет қайраткері Ерболат Шалдыбеков, халықаралық және республикалық конкурстардың лауреаты Әділхан Макин, сондай-ақ «Гүлдер» және «Астана сазы» ансамбльдері қатысты.
![концерт концерт](https://img.inform.kz/kazinform-photobank/media/2024-06-22/dd5acf2f-8286-498a-aa67-0e2442a0c20c.jpeg)
Өнерпаздар дәстүрлі және заманауи ұлт мәдениеті мен руханиятын таныстырып, отандық композиторлар мен халық әндерін шырқап, қазақтың киелі қара домбырасы мен қылқобызы арқылы ұлттық өнерімізді Қытай жұртшылығына паш етті.
![бишілер биші](https://img.inform.kz/kazinform-photobank/media/2024-06-22/c0570d06-0e69-4b72-82fa-518cd566dd93.jpeg)
Аталмыш іс-шара бейбітшілік пен келісімді мақсат тұтқан көрші халықтардың екіжақты қатынасының дамуына, ұлттар достығы мен сыйластығының артуына серпін береді.
![Артисты «Қазақконцерта» выступили в Китае Артисты «Қазақконцерта» выступили в Китае](https://img.inform.kz/kazinform-photobank/media/2024-06-22/3b747a48-af89-4c8e-a4c5-d0716224b1cb.jpeg)