Қазақ-Қытай шекарасынан байланыс құралдарын жасырын алып өтпек болған
АСТАНА. ҚазАқпарат - Қазақ-Қытай шекарасындағы «Қорғас» шекара отрядының бақылаушылары 220 данадан астам байланыс құралдарын жасырын алып өтпек болған үш бірдей қазақстандық азаматты ұстады, деп хабарлайды ҚР ҰҚК Шекара қызметінің баспасөз қызметі.
Нақтырақ айтқанда, Қытай елінен Қазақстанға автобуспен келе жатқан екі отандасымыз 140 дана радиостанцияны жасырын алып өтуге тырысты. Сондай-ақ, 36 жастағы тағы бір отандасымыз 84 дана ұялы телефон-планшетті құшағына қысып, жаяу-жалпы шекараны өзі қалаған жерден қиып өтпек болған кезде ұсталды.
Аталған деректер бойынша құқық қорғау органдары хабарландырылды, тергеу амалдары жүргізілуде.
