«Kazakhstan kagazy» АҚ бұрынғы басшысы Мақсат Әріпке іздеу жарияланды
АСТАНА. KAZINFORM – «Kazakhstan kagazy» АҚ бұрынғы басшысына іздеу жарияланды. Бұл туралы Құқықтық статистика және арнайы есепке алу органдарының порталы ақпарат таратты.
Іздестіру жұмыстарын Алматы облысы бойынша Экономикалық тергеу департаменті жүргізіп жатыр.
Іздеу туралы ақпарат: Туған күні: 07.10.1973, жынысы - еркек, Қазақстан Республикасының азаматы, қазақ.
Іздестіру ісі 23 қаңтарда Алматы облысында тіркелді.
Іздестіруді жүргізетін орган: Қазақстан Республикасы Қаржылық мониторинг агенттігінің Алматы облысы бойынша экономикалық тергеп-тексеру департаменті (тел. 279-20-86).
Айта кетейік, Мақсат Әріп 2003-2008 жылдар аралығында «Қазақстан Қағазы» АҚ басқарды.
