«Қазақмыс» фабрикасында жұмысшы қаза тапты

«Қазақмыс» компаниясы 22 қараша күні №2 Жезқазған байыту фабрикасында болған жазатайым оқиға туралы мәлім етті, деп хабарлайды Kazinform. 

Конвейер механизмімен қысылу нәтижесінде 1980 жылғы конвейер машинисі өлімге алып келген жарақат алды. Жедел жәрдем қызметкерлері жарақат алған адамның қайтыс болғаны жайлы мәлімдеді.

«Арнайы комиссия жазатайым оқиғаның мән-жайы мен себептерін анықтап жатыр. «Қазақмыс» компаниясының басшылығы мен еңбек ұжымы марқұмның туыстары мен жақындарына қайғыра көңіл айтады», - делінген хабарламада.