ҚазАқпарат ХАА «KEGOC» АҚ шығармашылық конкурсының жеңімпазы атанды

АСТАНА. ҚазАқпарат - «ҚазАқпарат» халықаралық ақпараттық агенттігі «KEGOC» АҚ өткізген шығармашылық конкурсының «Жүйелілік және нақтылық» номинациясы бойынша жеңімпаз атанды.

«Қадірлі достар, сіздер үнемі бізбен бірге болғандықтарыңыз үшін, компанияның атқарып жатқан жұмысын шынайы әрі нақты көрсете білгендіктеріңіз үшін алғыс айтқым келеді. Біздің компания Қазақстан экономикасын дамытуда маңызды роль атқарады. Бізге тұтынушыларымызды электр энергиясымен қамтамасыз етуде үлкен жауапкершілік жүктелген. Ел экономикасының өсіп жатқан сұранысын қамтуда энергетиканы дамыту бойынша міндеттемеміз бар»,-деп атап өтті жеңімпаздарды салтанатты марапаттау рәсімінде акционерлік қоғамның Басқарма төрағасы Бақытжан Қажиев.

Өзге номинациялардың жеңімпаздары:

«Телевизиялық әріптес» - «24kz» телеарнасының редакциясы.

«Қалт етпейтін көзқарас» - LCAnalytic журналының редакциясы.

«Өзектілік» - «Кapital.kz» жаңлықтар порталының редакциясы.

«Шынайылық» - «Айқын» республикалық газетінің редакциясы.

«Үздік ақпараттық жарияланым» - «Bnews» жаңалықтар порталының тілшісі Ботагөз Омар. «Өзекті публицистика» - «Курсив» іскер апталығының тілшісі Динара Бекмағамбетова. Жеңімпаздары грамоталар және бағалы сыйлықтар тапсырылды. «KEGOC» энергетика саласындағы өзекті мәселелерді көрсетуге бағытталған журналистер арасындағы шығармашылық конкурсты 10 жылдан бері ұйымдастырып келеді.