Қазақстан 2024 жылы қандай мемлекеттерге гуманитарлық көмек көрсетті

АСТАНА. KAZINFORM - 2024 жылы Қазақстан жіберген барлық гуманитарлық көмек KazAID арқылы көрсетілді.

Бұл ведомство қиын жағдайға тап болған елдерге гуманитарлық жүктерді жеткізуді үйлестірумен белсенді айналысады және өңірлік және жаһандық тұрақтылықты нығайтуға бағытталған ресми көмекті (ДРК) іске асыруға жәрдемдеседі. 

Тәжікстан 

Қазақстан Тәжікстанға 15 мың тонна мазутты қосқанда, 2,5 млрд теңгеге (5,65 млн доллар) гуманитарлық көмек көрсетті. Қосымша 14 970 тонна мазут, 80 тонна дизель отыны, 30 тонна дизель майы, 325 тонна қарақұмық жармасы, 67 тонна май, 50 000 банка сүт консервілері жөнелтілді.

Сондай-ақ шынжыр табанды экскаватор сатып алу үшін 67,9 млн теңге бөлінді. 

Қырғызстан 

Қазақстан Қырғызстанға Бішкектегі ЖЭО апатын жою үшін 2 000 тонна дизель отынын, сондай-ақ 0,9 тонна макарон, 0,9 тонна қарақұмық жармасы, 2,25 тонна ет консервілері мен 0,05 тонна шай жіберді. Қырғызстандағы лай тасқынынан зардап шеккен Ош облысына Қазақстан гуманитарлық көмек ретінде тасқын салдарын жоюға, халықты қолдауға және аудандарды қалпына келтіруге көмек жіберді. 

Ауғанстан 

Қазақстан Ауғанстанға 5 000 литр май, 795 тонна күріш жармасы және 1 000 тонна бірінші сұрыпты ұн жіберді. 

Вьетнам

Қазақстан Вьетнамға 100 000 доллар бөлді.

Айта кетейік, ҚР СІМ "KazAID" Қазақстандық халықаралық даму агенттігін Қазақстан Үкіметі құрды және дамуға ресми көмек саласындағы оператор болып табылады.

Бұған дейін Қазақстан Қырғызстандағы селден зардап шеккендерге гуманитарлық көмек жеткізгенін жазғанбыз.