«Қазақстан» арнасында әуе десантшылары туралы отандық сериалдың көрсетілімі басталады
АСТАНА. 26 қыркүйек. ҚазАқпарат - Үстіміздегі жылдың 1 қазанынан «Қазақстан» ұлттық арнасында «Көк тарландары» сериалының көрсетілімі басталады.
«Оқиға желісінде Қазақстан әскері қатарындағы әуе десанттарының өмірі жайлы сүреттелген. Сериалда олардың күнделікті тұрмыс-тіршілігі мен ерліктері, бастарындағы қиындықтарға қарамастан тәуекелге бел буып, Отан алдындағы борышын батылдықпен орындап, еліміздің тыныштығын қорғауы жайлы баяндалған», делінген ұлттық арна таратқан баспасөз айғағында.
Сериалдың көрсетілімі 1 қазан күні, күнделікті сағат 23. 00-де басталады.
