«Қазақстан аруы-2015» Әлия Мергенбаева Алматыда өтетін халқаралық сән көрмесінің қонағы болады
АЛМАТЫ. ҚазАқпарат - Алматыда «Атакент» көрме кешенінде 10-12 наурыз аралығында «Central Asia Fashion Spring 2016» XVII халқаралық сән көрмесі өтеді.
4500 шаршы метр аумақтағы жәрмеңкеге әлемнің 16 елінен 150 ірі бренд иелері өз өнімдерін ұсынады.
Биылғы көрменің арнайы қонағы «Қазақстан аруы-2015» Әлия Мергенбаева болады.
Алғаш рет көрме тарихында Париждегі CARLIN International Groupe бюросы қатысатын болады. Ресми бөлімде жақын арадағы сән әлеміндегі жаңа трендтер, мата түрлері, сатып алушылардың көңіл-күйі талқыланбақ.
