Қазақстан астық өткізетін дәстүрлі нарықтарды сақтап қалуы тиіс – Сенат төрағасы

АСТАНА. KAZINFORM – Азық-түлік тауарларының импортына тәуелділік деңгейін де кезең-кезеңмен азайтуымыз керек. Бұл туралы елордада «Азық-түлік қауіпсіздігі – ұлттық қауіпсіздіктің негізгі құрамдас бөлігі» тақырыбында өтіп жатқан парламенттік тыңдауда Сенат төрағасы Мәулен Әшімбаев мәлім етті.

Тарихи жолайрықта саналы бағыт таңдалды – Мәулен Әшімбаев
Фото: Виктор Федюнин/Kazinform

- Сонымен қатар, өнімдерді өткізу нарықтарын қамтамасыз ету де өзекті сұрақтардың бірі. Өнім шығару бөлек жұмыс болса, оны сату - басқа мәселе. Мысалы, кейінгі 2 жылда бидайдың әлемдік бағасы төмендеді. Бұл біздің өндірушілеріміз үшін қиын жағдай туғызғаны жасырын емес. Бұдан басқа, біздің дәстүрлі нарықтарымызға бәсекелестіктің күшейгенін де көріп отырмыз. Сондықтан Орталық Азия, Ауғанстан, Иран, Кавказ сияқты дәстүрлі нарықтардағы позициямызды сақтап, оны одан әрі нығайту аза маңызды. Бұл елдерге өңделген өнімдердің де экспортын арттырған абзал, - деді Мәулен Әшімбаев.

Сонымен қатар ол азық-түлік қауіпсіздігін қамтамыз ету үшін агроғылымды дамыту да өзекті мәселе екенін атап өтті.

- Мұнымен қоса, елімізде органикалық өнімдерді өндіретін көлемді көбейту де негізгі мақсаттардың бірі. Алдымызда ауыл шаруашылығын дамытуға қатысты ауқымды міндеттер тұр. Азық-түлік тауарларының импортына тәуелділік деңгейін де кезең-кезеңмен азайтуымыз керек, - деді Сенат төрағасы.

Бұдан бұрын хабарланғандай, М.Әшімбаев ауыл шаруашылығында ескі тәсілдермен өнімділікті арттыру мүмкін емес екенін атап өтті.

Соңғы жаңалықтар