Қазақстан Ауғанстанға автокөлік экспорттамақ
АЛМАТЫ. KAZINFORM – Қазақстан Ауғанстанға отандық автокөліктерді жеткізуді жоспарлап отыр. Бұл туралы Алматыда өткен бизнес форумы барысында ҚР Премьер-Министрінің орынбасары Серік Жұманғарин мәлім етті.
«Ауған тарапының ұсынысы бойынша, біз Қазақстанда өндірілген автокөлік құралдарын Ауғанстанға жеткізіп, кейіннен оларды Ауғанстанда қызмет көрсету орталықтарымен бірге орналастыру мәселесін қарастыруға дайынбыз»,- деді ол.
2024 жылдың бірінші жартыжылдығында республикада жалпы құны 1,6 млрд доллар болатын 62 435 автокөлік шығарылды.
Серік Жұманғарин Ауғанстан делегациясының Қазақстанға сапары қорытындысына сәйкес екіжақты тауар айналымын $3 млрд-қа дейін арттыру міндеті қойылған Жол картасына қол қойылғанын жеткізді.
Осыған дейін Қазақстан мен Ауғанстан арасындағы сауда айналым 330,7 млн долларға жеткені туралы жазған едік.
Сондай-ақ Ауыл шаруашылығы вице-министрі Ербол Тасжүреков Қазақстан мен Ауғанстан ауыл шаруашылық тауар айналымын 1 млрд долларға дейін арттыратынын айтқан болатын.
