Қазақстан аумағында қар жауады, тұман түседі, көктайғақ болып, бұрқасындатып, жел күшейеді - 9 қаңтардағы ауа райы болжамы
АСТАНА. ҚазАқпарат - Қазақстан аумағы әлі де фронтальды бөліктердің ықпалында болғандықтан, жауын-шашын, көбінде қар жаууы, тұман түсуі, көктайғақ болып, бұрқасын көтерілуі, желдің күшеюі күтіледі, деп хабарлады ҚР ІІМ Төтенше жағдайлар комитеті «Қазгидрометке» сілтеме жасап.
Ақмола облысында бұрқасындата соққан желдің күші 15-20, кей жерлерде ұйтқуы 23 м/с-қа жетеді. Оңтүстік Қазақстан, Жамбыл облыстарының кей жерлерінде тұман түсіп, көктайғақ болады, бұрқасын көтеріледі, жел 15-20 м/с-қа дейін күшейіп, ұйтқуы 23-28 м/с-қа жетеді. Солтүстік Қазақстан облысының кей жерлерінде бұрқасындатып, тұман түседі, желдің күші 15-20, кей жерлерде ұйтқуы 23-28 м/с-қа жетеді. Павлодар облысының кей жерлерінде бұрқасынды, көктайғақ болады, желдің күші 15-20 м/с, күндіз кей жерлерде желдің ұйтқуы 23-28 м/с-қа дейін күшейеді. Шығыс Қазақстан облысының кей жерлерінде бұрқасындата соққан желдің күшеюі 15-20 м/с, ұйтқуы 25-28 м/с-қа дейін күшейеді. Қарағанды облысының кей жерлерінде тұман түседі, көктайғақ болады, желдің күші 15-20, күндіз ұйтқуы 23 м/с-қа жетеді. Қостанай облысында бұрқасын көтеріліп, тұман түседі, желдің күші 15-20 м/с, түнде және таңертең ұйтқуы 23 м/с-қа жетеді. Ақтөбе, күндіз Батыс Қазақстан облыстарының кей жерлерінде желдің күші 15-20 м/с болады. Қызылорда, түнде Маңғыстау облыстарының кей жерлерінде тұман түседі,, көктайғақ болады, жел 15-20 м/с-қа дейін күшейеді. Алматы облысының кей жерлерінде жел 17-22 м/с күшейіп, түнде тұман түседі.
