Қазақстан аумағының басым бөлігінде ауа райы жауын-шашынсыз болады - 9 қазандағы ауа райы болжамы
Республиканың солтүстігінде, солтүстік-батысында, батысында және шығысында атмосфералық ағындардың өтуіне байланысты кей жерлерде жауын-шашын болады, жел күшейеді, жекелеген аудандарда түнде және таңертең тұман түседі.
Ақмола, Атырау, Солтүстік Қазақстан, Павлодар, Қарағанды, Шығыс Қазақстан, Қостанай облыстарында, күндіз Батыс Қазақстан, Ақтөбе облыстарының кей жерлерінде жел 15-20 м/с-қа күшейеді деп күтілуде, Қостанай облысының жекелеген аудандарында көктайғақ болады, ал Ақтөбе облысында түнде және таңертең кейбір аймақтарда тұман түсуі ықтимал.
Республиканың оңтүстігінде, оңтүстік-шығысының кей жерлерінде және орталығында жоғары өрт қаупі сақталады.
Жақын тәуліктерде республиканың оңтүстігі және оңтүстік-шығысының таулы өзендерінде су деңгейі тұрақсыз болады, Батыс Алтайдың жекелеген өзендерінде жаңбыр жаууына байланысты су деңгейінің көтерілуі байқалады.