Қазақстан әйелдер денсаулығы индексінде нешінші орында тұр
АСТАНА. KAZINFORM - Hologic компаниясы 142 ел мен аумақтан 146 000 әйелге жүргізілген сауалнама бойынша Әйелдер денсаулығының жаһандық индексін жариялады.
Зерттеуге арналған деректер 2023 жыл бойы жиналып, 2024 жылы талданған. Ескерілген критерийлерге алдын алу, эмоционалдық денсаулық, негізгі қажеттіліктер және жеке денсаулық кіреді.
Қазақстан 142 елдің ішінде 13-орынды иеленді.
Индекс 5 негізгі критерийді қамтиды:
- профилактикалық көмек – 19 (ең төменгі көрсеткіш);
- эмоционалды денсаулық – 74;
- денсаулық және қауіпсіздік көрсеткіші – 87 (ең жоғары);
- Негізгі қажеттіліктер – 53;
- Жеке денсаулық – 74.
Индексте әйелдердің өткен жылы қан қысымының жоғарылауы, қатерлі ісік, қант диабеті және жыныстық жолмен берілетін ауруларға скринингтік тексеруден өткен-өтпегеніне байланысты елдердің рейтингісі берілген.
Эмоционалдық денсаулық индексі әйелдердің алаңдаушылық, қайғы, стресс және ашу сияқты жағымсыз эмоциялар тәжірибесіне негізделген елдерді бағалайды.
Денсаулық пен қауіпсіздікті бағалау әйелдердің жалпы сапалы медициналық көмекке қол жеткізуге қанағаттануына, олардың ана күтімінің сапасына көзқарасына және түнде жалғыз жүрген кездегі қауіпсіздік сезіміне негізделген.
Негізгі қажеттіліктер туралы деректер әйелдердің соңғы 12 айдағы осы қажеттіліктерден қанағаттануына, соның ішінде отбасына азық-түлік сатып алу және баспанамен қамтамасыз ету мүмкіндігіне негізделген.
Жеке денсаулық индикаторы әйелдердің денсаулық мәселелерімен байланысты тәжірибесіне негізделген елдерді бағалайды. Бағалау олардың соңғы күні ауырсынуын немесе олардың күнделікті әрекеттеріне кедергі келтіретін қандай да бір медициналық жағдайлары бар-жоғын сұрау арқылы жүзеге асырылады.
Орталық Азия елдері арасында Өзбекстан 34-орынға ие болды, оның жалпы ұпайы 60; Қырғызстан – 58 жалпы ұпаймен 49-орын; Қазақстан ең жоғары – 13-орында, оның жалпы ұпайы – 63.
Рейтингте жалпы 68 ұпаймен Тайвань көш бастап тұр, ең соңғы орынды 30 ұпаймен Ауғанстан иеленген.
Еске сала кетейік, Финляндия, Дания: әлемдегі ең бақытты елдердің тізімі жарияланды.
