Қазақстан азаматтары Бакуде сайлауға дауыс бере алады
БАКУ. ҚазАқпарат - Әзербайжанда уақытша тұратын Қазақстан азаматтары 20 наурызда өтетін ҚР Парламенті Мәжілісі мен мәслихаттары депутаттарын сайлауға дауыс бере алады.
Бұл туралы «ҚазАқпарат» ХАА-ға Қазақстан Елшілігінен хабарлады.
Баку қаласы, Наджафгул Рафиев көшесінде орналасқан Қазақстан Елшілігі ғимаратында сайлау учаскесі ұйымдастырылады.
Дауыс беру баку уақыты бойынша сағат 07.00-ден 20.00-де дейін жалғасады.
Қосымша ақпаратты елшіліктің +994 12 489 23 55, 489 23 67 телефондары, (консулдық бөлім). E-mail: baku@mfa.kz. арқылы білуге болады.
