Қазақстан азаматының Тбилисиде көз жұмуы: Күдікті 10 жылға сотталуы мүмкін
НҰР-СҰЛТАН. ҚазАқпарат – Грузия прокуратурасы қазақстандық бойжеткен қызды зорлау және өз-өзіне қол жұмсауға итермелеу ісі бойынша айыптау шығарды. Бұл туралы Грузия прокуратурасының сайтында мәлім етілді, деп хабарлайды ҚазАқпарат тілшісі.
Хабарламада «күдікті қызды зорлап, артынан өлтіремін деп қорқытқан» делінген. Ауыр күйзеліске түскен азаматша өз-өзіне қол жұмсаған.
Күдікті 6 мамырда ұсталды.
Сонымен қатар, хабарламада күдіктінің кәнісі дәлелденген жағдайда оны 8 жылдан 10 жылға дейін бас бостандығынан айрылуы мүмкін екендігі көрсетілген.
Еске сала кетейік, 5 мамырда Тбилисидегі үйлердің бірінің терезесінің түбінен Қазақстан азаматының денесі табылған.
Бұдан бұрын ҚР Сыртқы істер министрлігі Грузияның құқық қорғау органдарына сілтеме жасап грузиялық полиция өз-өзіне қол жұмсауға итермелеу фактісі бойынша қылмыстық іс қозғағанын хабарлаған.
Қыз 9-қабаттан құлау нәтижесінде қайтыс болғаны хабарланған.
