Қазақстан Азия Пара ойындарында садақ атудан алғаш рет күміс медаль еншіледі
АСТАНА. KAZINFORM — Ерлер арасындағы W1 класы бойынша жұптық сында қазақстандық спортшылар Темірлан Сейітқамал мен Нұршат Төлеуқасым финалда Қытай құрамасымен кездесті.
Дене мүмкіндіктері шектеулі тұлғаларға арналған спорттық даярлау орталығы баспасөз қызметінің мәліметінше, шешуші бәсекеде қарсылас команда 6:0 есебімен жеңіске жетіп, Қазақстан спортшылары күміс жүлдегер атанды.
Финалдық кездесудің үш сеті 37:31, 35:32 және 37:35 есебімен Қытай құрамасының пайдасына аяқталды.
Бұған дейін отандық пара велошабандоздар Азия ойындарында екі алтын жеңіп алғанын жазғанбыз.
