«Қазақстан барысы» Ғалымжан Қырықбайға Тараздан 2 бөлмелі пәтер берілді
ТАРАЗ. ҚазАқпарат - Жамбыл облысының әкімі Қазақстан барысы Ғалымжан Қырықбайға пәтер кілтін табыстады, деп хабарлайды ҚазАқпарат аймақ әкімдігіне сілтеме жасап.
Таразда Астана күніне орай ашық аспан астында «Еңселі Елордам» атты мерекелік шара өтті.
Салтанатты шарада бас қаланың жетістігі, өткені мен бүгіні туралы бейне-ролик көрсетіліп, белгіленген жерлерде спорт шаралары ұйымдастырылды.
Жамбыл облысының әкімі Нұржан Нұржігітов жиналғандарды елорданың 5 жылдығымен құттықтады.
Нұржан Нұржігітов өз сөзінде жуырда ғана өткен республикалық «Қазақстан барысы» турнирінде жеңімпаз атанып, жерлестерінің мерейін асырған Ғалымжан Қырықбайдың жетістігін айрықша атап өтті.
Ал оның жаттықтырушысы Бахтияр Ақбергеновке 2 млн теңгенің сертификатын тапсырды.
