Қазақстан баскетболдан Азия кубогында «күміс» алды
НҰР-СҰЛТАН. ҚазАқпарат – Малайзияда баскетболдан 3х3 жастар арасындағы U-18 командаларының Азия Кубогының 5-ші ойындары аяқталды, деп хабарлайды Olympic.kz.
Басты матчқа жету жолында қазақстандық спортшылар өткен жылы чемпион атанған жаңазеландиялық баскетболшыларды жеңді.
Жартылай финалда қазақстандық команда қытайлық қарсыластарының бетін қайырды. Алтын медаль үшін жарыста еліміздің баскетболшылары Жапния өкілдерімен бақ сынасты.
Шешуші ойын жапониялықтардың жеңісімен, яғни 13:21 есебімен аяқталды.
