Қазақстан былтыр 2 млрд 9 млн. кВт/сағат экспорттады
АСТАНА. ҚазАқпарат - Былтыр Қазақстанға электр энергиясының импорты 644 млн. кВт/сағат, ал экспорт 2 млрд 9 млн кВт/сағатты құрады. Бұл туралы бүгін Мәжілісте өтіп жатқан Үкімет сағатында Энергетика министрі Владимир Школьник мәлім етті.
Министрдің айтуынша, 2014 жылдың қорытындысы бойынша көмірден алынған отын көлемі энергияның 73 пайызын, газдан 18 пайызын, жел энергетикасы 8 пайызын, жаңғыртылатын энергетика, соның ішінде шағын су электр стансаларынан алынатын энергия 0,6 пайызын құраған. «Айта кетерлігі, «жасыл экономикаға» өту тұжырымдамасына сәйкес, жаңғыртылатын энергия көздерінен алынатын қуат 2020 жылға қарай 3 пайызға, 2030 жылы 10 пайыз, 2050 жылы 50 пайызға жеткізу көзделеді. Сонымен қатар, 2014 жылы елімізде энергия тұтыну 91,6 млрд кВт/сағатты құрайды. Жалпы, энергия өндіру 93,9 млрд кВт/сағатты құрап, оның алдындағы жылмен 102,1 пайызды құрады. Ал ондағы импорт 644 млн кВт/сағатты, экспорт 2 млрд 9 млн кВт/сағатты құрап отыр», - деді министр В. Школьник.
