Қазақстан дамушы елдерге көмек көрсету бойынша Азия даму банкінің әріптесі болуға ниетті
АСТАНА. 24 қазан. ҚазАқпарат - Қазақстан қайтарымсыз көмек алушылар мәртебесінен шығып, дамушы елдерге көмек көрсету бойынша Азия даму банкінің әріптесі болуға ниетті. Бұл туралы бүгін Астанадағы Орталық Азия аймақтық экономикалық ынтымақтастық бағдарламасының 12-ші министрлер конференциясында Үкімет басшысы Серік Ахметов мәлім етті.
Үкімет басшысының айтуынша, 2013 жылы Азия даму банкімен ынтамақтастық аясында Қазақстан Азия даму қорына 5 млн. АҚШ долларынан астам донорлық жарна төледі.
«Қордағы донорлық Қазақстанға азиялық, орталықазиялық елдердің дамуына көмек көрсетуге, сондай-ақ АДБ донорлығы мәселесі бойынша шешімді қабылдау үдерісіне қатысуға мүмкіндік береді. Осы арқылы қазіргі кезде Азия даму банкінің біздің мемлекетпен ынтымақтастығы бірте-бірте сапалы жаңа деңгейге шығып отыр», - деді Премьер-Министр.
