Қазақстан экспортқа 7 млн. тонна астық шығаруды жоспарлауда
АСТАНА. ҚазАқпарат - 2015-2016 маркетинг жылында Қазақстан 7 мл. тонна астықты экспорттауды жоспарлауда. Бұл туралы бүгін ҚР Президенті жанындағы Орталық коммуникациялар қызметіндегі брифингте Ауыл шаруашылығы министрі Асылжан Мамытбеков мәлім етті.
«Болжамға сәйкес 17,5 млн. тонна астық бастырылатындығы күтілуде. сәйкесінше біздің экспорттық әлеуетіміз шамамен 7 млн. тоннаны құрайды. Бұл ұзақ жылдардағы орташа деңгейден сәл артық», - деді ол.
Министрдің өз сөзінде қазақ астығының экспорттық географиясында еш өзгеріс жоқ екендігін баса атап өтті.
