Қазақстан ерлер құрамасы үстел теннисінен әлем чемпионатында Түркияны жеңді
АСТАНА. KAZINFORM – Лондонда (Ұлыбритания) үстел теннисінен командалық әлем чемпионаты басталды.
Қазақстан құрамасының спортшылары топтық кезеңдегі алғашқы ойындарын өткізді. Ерлер құрамасы Түркияны 3:1 есебімен жеңсе, әйелдер құрамасы Бразилияға 1:3 есебімен есе жіберді.
Ерлер құрамасының ойындары (11-топ):
Қазақстан – Түркия 3:1
Кирилл Герасименко – Абдулла Йигенлер 3:0
Алан Құрманғалиев – Горкем Окал 1:3
Айдос Кенжіғұлов – Ибрагим Гүндуз 3:1
Кирилл Герасименко – Горкем Окал 3:0
Әйелдер құрамасының ойындары (5-топ):
Қазақстан – Бразилия 1:3
Сарвиноз Миркадирова – Бруна Такахаши 0:3
Зәуреш Ақашева – Джулия Такахаши 3:2
Жәнерке Көшкімбаева – Лаура Ватанабе 2:3
Зәуреш Ақашева – Бруна Такахаши 0:3
Қазақстан ерлер құрамасының келесі матчы 29 сәуірде Мысыр құрамасына қарсы өтеді. Ойын Астана уақытымен 23:30-да басталады.
Қазақстан әйелдер құрамасы сол күні Моңғолия командасымен кездеседі. Матч Астана уақытымен 21:00-де басталады.
Бұған дейін хабарлағанымыздай, үстел теннисінен қытайлық әлем чемпионы Қазақстан атынан өнер көрсетеді.
