Қазақстан Гранаткин мемориалы матчында Словакиямен тең түсті
АСТАНА. ҚазАқпарат - Қазақстанның 18 жасқа дейінгі футбол құрамасы Гранаткин-2017 мемориалының алғашқы матчында Словакиямен 0:0 есебімен тең түсті, деп хабарлайды ҚазАқпарат Sports.kz сайтына сілтеме жасап.
Қазақстанның U-18 құрамасының бастапқы құрамы: Устименко, Аманжол, Қашкен, Кузнецов, Кусяпов, Жақсылық, Кан, Орал, Пайруз, Саюнов, Сейдахмет.
Матч барысындағы еліміздің ең үздік футболшысы ретінде Тағат Кусяпов танылды.
Сәрсенбі күні Астана уақытымен сағат 15:00-де Қазақстан Әзербайжан құрамасымен ойнайтын болады.
