Қазақстан халқының саны 16 млн. 615 мың адам болды - Ә. Смаилов
Жыл басынан бері халық саны 1,1 пайызға көбейді. 9 айда 280 460 сәби дүние есігін ашса, 109 785 адам бақилық болды.
«Жалпы, өлім-жітім коэффиценті 2010 жылдың 9 айымен салыстырғанда төмендеді. Соның арқасында, табиғи өсім қарқыны жақсарды. Халықтың өлім себептерінің арасында барынша көп үлес салмағын әдеттегідей, қан айналым жүйесінің сырқаттары алып отыр»,- деді ол.
Жалпы, елдегі көші-қон үрдісіне тоқталған агенттік төрағасы, жыл басынан Қазақстанға 26 866 адам көшіп келгенін және 24 386 адам керісінше, өзге елдерге қоныс аударғанын мәлім етті. Көші-қонның оң динамикасы 2004 жылдан бері сақталып келеді. Халық тұрақты-тұрғылықты мекен ретінде төрт өңірді таңдауда - Алматы және Астана қалалары мен Маңғыстау, Алматы облыстары. Бұл аймақтарда келушілердің саны көшіп кеткендерден көп.