Қазақстан Халықаралық менеджментті дамыту институты (IМD) рейтингінде былтыр 33-орын алды
«Халықаралық менеджментті дамыту институты Швейцарияның Лозанна қаласында орналасқан. Оның Қазақстандағы ресми серіктесі - ҚР Экономикалық даму және сауда министрлігінің «Экономикалық зерттеулер институты» АҚ. IМD әдістемесі - халықаралық, аймақтық және ұлттық статистиканың 212, ал сауалнама деректері жоғары және орта деңгейдегі менеджерлердің 115 көрсеткішінен тұрады. Әдістеме бойынша бәсекелестік факторлары экономикалық қызметтің - 76, үкімет тиімділігінің - 71, бизнес тиімділігінің - 67, инфрақұрылымның - 113 қағидаттарынан тұрады», - дейді Экономикалық зерттеулер институтының Стратегиялық әзірлемелер және экономикалық зерттеулер орталығының директоры Шаһарбану Жақыпова. Ш. Шорманқызының айтуынша, IМD ғаламдық бәсекеге қабілеттік рейтингі бойынша, бұрынғы кеңестік республикалар арасында Қазақстан - 33, Ресей - 51, Украина - 57 орында тұр. Онда Қазақстан 2008 жылы - 39, 2009 жылы -36 орын алған болатын. Ресей осы аралықта сәйкесінше 48,49, 51 орындарға, ал Украина 55, 56, 57 орындарға табан тіреді.
«Рейтингте экономикалық қызмет факторы бойынша Қазақстан былтыр 43, үкімет тиімділігі факторы бойынша - 20, бизнес тиімділігі факторы бойынша -29, инфрақұрлым факторы бойынша - 39 сатыға орналасты. 2009 жылғы көрсеткіштермен салыстырғанда онда экономикалық қызмет және үкімет тиімділігі факторларында - 1 сатыға, бизнес тиімдігі мен инфрақұрылым факторларында - 5 сатыға ілгерілеушілек байқалады», - дейді экономика ғылымының кандидаты Ш. Жақыпова. Оның сөзіне қарағанда, бәсекелестіктің жалпы рейтингінде былтыр өзінің кейбір көрсеткіштерін төмендетіп алған. Атап айтқанда экономикалық қызмет факторы бойынша халықаралық саудада - 41, ішкі инвестиция мен жұмыспен қамтуда - 1 сатыға. Үкімет тиімділігі факторында институционалдық ортада - 11, қоғамдық құрылыста - 3 сатыға, инфрақұрылымдық факторда базалықта - 5, ғылымда - 15 сатыға кері кеткен.