Қазақстан Халықаралық судьялар қауымдастығының толыққанды мүшесі атанды - ҚР Жоғарғы Сот төрағасы
ТАНА. 8 қыркүйек. ҚазАқпарат /Жасұлан Аманбайұлы/ - Қазақстан Халықаралық судьялар қауымдастығының мүшелігіне қабылданды. Бұл туралы бүгін елордада Жоғарғы Сот төрағасы Бектас Бекназаров мәлім етті.
«Жаңа ғана Түркияның Ыстамбұл қаласында Халықаралық судьялар қауымдастығының жиынында дауыс беру аяқталды. Сіздерге белгілі, Халықаралық судьялар қауымдастығына 4 аймақтық топқа бөлінген 77 елдің ұлттық қауымдастықтары кіреді. Енді міне, Қазақстанның судьялар одағы Халықаралық судьялар қауымдастығының толыққанды мүшесі атанды, біз бұл биікке көп жылдар бойы талпындық және жеттік», - деді Б. Бекназаров.
«Әлем Қазақстанның сот жүйесінің қалыптасқандығын мойындады», - деп атап өтті ол.
