Қазақстан құрамасы байдарка есуден Азия ойындарының үздік үштігіне кірді
АСТАНА. KAZINFORM — Қазақстан әйелдер құрамасы байдарка мен каноэде есуден Азия ойындарының қола жүлдегері атанды. Бұл туралы ҰОК мәлім етті.
Қазақстан әйелдер құрамасы байдарка мен каноэде есуден Аичи-Нагояда (Жапония) өтіп жатқан Азия ойындарының финалында сынға түсті. Ұлттық құрама төрттік-байдаркамен 500 метрге ескек есуден А финалында бақ сынады.
Нәтижесінде жерлестеріміз қашықтықты 1 минут 37.005 секундта бағындырып, қола жүлдеге ие болды.
Бірінші орынды Қытай құрамасы жеңіп алды - 1:33.784.
Күміс медаль Өзбекстанға бұйырды - 1:36.561.
Айта кетейік, ұлттық құрама сапында Ольга Шмелева, Стэлла Суханова, Татьяна Токарницкая, Эвелина Костенко өнер көрсетті.
Айта кетейік, бокстан Қазақстан құрамасы Азия ойындарында бүгін екі жекпе-жек өткізеді.
