Қазақстан құрамасының қоржынына тағы бір лицензия түсті
АСТАНА. KAZINFORM – Жапония астанасы Токиода өтіп жатқан каноэ мен байдаркада ескек есуден Азия чемпионатында Сергей Емельянов пен Тимур Хайдаров жұптық сында Олимпиада жолдамасын жеңіп алды.
Спортты дамыту дирекциясының баспасөз қызметі мәлім еткендей, қазақстандық дуэт каноэмен 500 метрге жарыста финалға шығып, қарсылас шақ келтірген жоқ.
Осыған дейін каноэмен 500 метрге жарыста Ульяна Кисилева сосын, байдаркамен жарыста Ольга Шмелева Ольга мен Ирина Подойникова Ирина жұбы (500 метр) күміс жүлдегер атанды.
Осылайша олар Париждегі ойындарға жолдама ала алмады.
Қазір Қазақстан делегациясында 14 спорт түрінен 34 лицензия (33 спортшы) бар.
Естеріңізге сала кетейік, 2024 жылғы Олимпиада ойындарында спорттың 32 спорт түрінен 329 медаль өз иесін табатын болады. Қазірге дейін Қазақстан спортшылары Олимпиада ойындарына 33 жолдама жеңіп алды. Төртжылдық доданың алауы 26 шілде күні тұтанып, 11 тамыз күні мәресіне жетеді.
