Қазақстан құрамасы Азия ойындарында жеңіп алынған медальдар саны бойынша рекорд орнатты

АСТАНА. 6 ақпан. ҚазАқпарат - Қазақстан құрамасы Азия ойындарында жеңіп алынған медальдар саны бойынша рекорд орнатты.

Осыған дейін хабарланғандай, жарыстардың соңғы күні допты хоккей бойынша Қазақстанның ерлер құрамасы турнирдің межесінде Моңғолия құрамасынан 16:2 есебімен басым түсіп, өз командасының қоржынына 30-алтын медальді салды.

Азиада-2011 ресми сайты хабарлап отырғандай, бұған дейінгі рекорд, яғни 29 алтын медаль Жапонияға тиесілі болатын. Ол 1986 жылы Саппоро қаласында өткен 1-қысқы Азия ойындарында орнатылған.