Қазақстан құрамасы – маунтинбайктан Азия чемпионы
АСТАНА. ҚазАқпарат – Маутинбайктан Қазақстан құрамасы Оңтүстік Кореяның Сунчхон қаласында өтіп жатқан Азия чемпионатында эстафетада жеңімпаз атанды, деп хабарлайды ҚазАқпарат Cпортты дамыту дирекциясына сілтеме жасап.
Құрлық бәсекесінің алғашқы күні өткен сында Темірлан Мұхамедияров, Денис Сергиенко, Алина Сарқұлова, Алексей Фефелов пен Егор Карасевтан құралған Қазақстан командасы (1:27:30) Жапония (1:29:37) мен Малайзияның (1:33:40) алдын орап кетті.
Айта кетейік, бүгін басталған Азия чемпионаты 23 қазанға дейін созылады. Бұл додаға аттанған Ұлттық құрама велоспортшылары: Темірлан Мұхамедияров, Алина Сарқұлова, Татьяна Генелева, Денис Сергиенко, Егор Карасев, Алтынбек Аханов – 23 жасқа дейінгі санатта, Никита Галкин, Константин Шинкарук, Константин Казаков, Алексей Фефелов, Виолетта Казакова мен Алина Спирина – жасөспірімдер санатында бақ сынайды.
Бұған дейін маунтинбайктен Қазақстан ұлттық құрамасы 19-23 қазан аралығында Сунчхонда өтетін Азия чемпионатына қатысу үшін Кореяға аттанғаны хабарланған болатын.
