Қазақстан құрамасы шығыс жекпе-жегі бойынша Азия ойындарында екінші орын алды
АСТАНА. Тамыздың 10-ы. ҚазАқпарат Тамыздың 1-9-ы аралығында Бангкокте (Тайланд) өткен шығыс жекпе-жегі бойынша алғашқы Азия ойындары аяқталды, деп хабарлады Астана қаласының туризм, дене шынықтыру және спорт басқармасынан.
Жарыстар спорттың 9 түрі бойынша - джиу-джитсу, дзюдо, карате-до, кикбоксинг, кураш, муайтай, пенчак силат, таэквондо, ушу және кунфу - өтті. Құрлықтың 45 елінен 2 500 спортшы қатысқан ойындарда Қазақстан спортшылары спорттың 7 түрінде өнер көрсетті.
Қазақстан құрамасы 34 медальмен қорытынды жалпыкомандалық есепте екінші орынды иеленді. Біздің құраманың қоржынына 15 алтын, 7 күміс, 12 қола медаль салынды.
Бірінші орынға 54 медальмен (21-17-16) алаң иелері көтерілсе, үшінші орынға Корея Республикасы табан тіреді Ол елдің спортшылары 19 награда (10 алтын, 6 күміс, 3 қола) қанжығалады.
Қытай, Жапония, Вьетнам, Индонезия, Өзбекстан, Қытай Тайпейі және Үндістан елдерінің командалары үздіктер ондығына кіре алды.
