Қазақстан құрамасының қоржынында - күміс пен қола медальдар
АСТАНА. ҚазАқпарат - Польшада өтіп жатқан "European Open" жарысында 66 келіге дейінгі салмақ дәрежесінде Елдос Жұмаханов күміс жүлдегер атанды, деп хабарлады Қазақстандық дзюдо федерациясының баспасөз қызметі.
Ал, 60 келі салмақта Ғұмар Қырғызбаев қола медальді қанжығасына байлады.
Естеріңізге салайық, бүгін басталған жарыс 1 наурызға дейін жалғасады. Ертең татамиге 81, 90, 100 және 100 келіден жоғары салмақ дәрежесіндегі спортшылар шығады.
