Қазақстан құтқарушылары 6 мың адамды аман алып қалды
АСТАНА. 18 қараша. ҚазАқпарат - Біз он айдың ішінде 6 мыңға жуық адамды құтқардық. Бұл туралы бүгін ҚР Парламент Сенатының Халықаралық қатынастар, қорғаныс және қауіпсіздік комитетінің өкілдерімен болған кездесуде ҚР Төтенше жағдайлар министрі Владимир Божко мәлім етті.
Оның хабарлауынша, ағымдағы жылғы он айдың ішінде төтенше жағдайлар қызметі 47 мың апаттық-құтқару жұмыстарына қатысты. Соның барысында 5857 мың адам құтқарылды. «Міне, осының нәтижесінде өткен жылдың аталған кезеңімен салыстырғанда, биыл төтенше жағдайлардың саны 17,3 пайызға азайып, адам өлімі 12 пайызға қысқарды», - дейді В.Божко.
Министр атап көрсеткендей, бүгінде республика бойынша құтқарушылар бір тәуліктің ішінде 100-240 рет сан алуан төтенше жағдайларға шығып тұрады.
