Қазақстан-Қытай шекарасынан өткен көліктер саны өткен жылмен салыстырғанда 123% артқан
НҰР-СҰЛТАН. ҚазАқпарат - Қазақстан-Қытай шекарасынан өткен көліктер саны өткен жылғы көрсеткішпен салыстырғанда 123%-ға артқан. Бұл мәліметтер Әлихан Смайылов Дағдарысқа қарсы шаралар жөніндегі жедел штаб отырысы барысында келтірді, деп хабарлайды ҚазАқпарт Үкіметтің ресми сайтына сілтеме жасап.
Отырысқа қатысушылар екі бағытқа да жүктердің өтуі мәселесіне қатысты Қытаймен шекарадағы жағдайды қарастырды.
Қазіргі таңда Қазақстан-Қытай шекарасында бес автомобиль және екі теміржол өткізу пункті, сондай-ақ «Қорғас» ШЫХО» АҚ кеден бекетінің жүк терминалы жұмыс істейді.
Автомобиль көлігі бойынша биылғы үш айда өткен жылдың сәйкес кезеңімен салыстырғанда көлік құралдарының саны 123%-ға (6,3-тен 14,0 мың КҚ-ға дейін) өскені байқалады.
Сонымен қатар кедендік құн индексі (КҚИ) және кедендік төлемдер индексі (КТИ) бойынша оң динамика байқалады: КҚИ көрсеткіші 75%-ға өсті (ҚХР-дан импортталатын тауарлар бойынша 1 кг үшін 4 доллардан 7 долларға дейін), КТИ көрсеткіші екі есе – 264 теңгеден 561 тг/кг дейін өсті.
«Нұр жолы» шекарадағы өткізу пунктіне келер болсақ, тауар тасымалдауды ұйымдастырушы ретінде жұмысын бастаған «KTZ Express» АҚ арқасында оның өткізу қабілеті күніне 10-нан 47 АКҚ-ға дейін артты. Бұл орайда бір тасымал құны $4500-ден $2050 дейін төмендеді. Қолма-қол ақшалай өзара есеп айырысу алынып тасталды, бұл қаражатты көлеңкелі айналымнан шығаруға мүмкіндік берді. Сонымен қатар электронды кезек бойынша пилот жобасы іске қосылды.
«Қорғас» ШЫХО-да жыл басынан бері арнайы кран арқылы 61 КҚ ауыстырып тиелді. Бұл ретте тариф екі есеге төмендетілді. Отырыс барысында өткізу пункттерінде кептеліс жоқ және жағдай тұрақты екендігі атап өтілді.
«ҚР Премьер-Министрі Әлихан Смайылов статистикалық сәйкессіздіктерді болдырмау үшін тиісті ведомстволарға импорт пен экспортқа қатысты деректерді өзектендіруді, сондай-ақ өткізу пункттерінде МКК, ҰҚК ШҚ және ҚТЖ-Экспресс ведомствоаралық өзара іс-қимылын күшейтуді тапсырды»,-делінген хабарламада.
Сондай-ақ бірқатар өзекті мәселе талқыланды.
