Қазақстан-Қытай шекарасында кедендік заңнаманың бұзылу тәуекелі үнемі бар - М.Есенбаев
АСТАНА. 18 маусым. ҚазАқпарат - Қазақстан-Қытай шекарасында кедендік заңнаманың бұзылу тәуекелі үнемі бар.
Бұл туралы бүгін ҚР Қаржы министрлігі Кедендік бақылау комитеті жанындағы Консультациялық кеңестің отырысы барысында аталған ведомствоның басшысы Мәжит Есенбаев мәлім етті.
Соңғы бірнеше жыл бойы Қазақстан-Қытай шекара учаскесі күрделі проблемалар ордасына айналып отырғандығын жасырмаған ол: «Кедендік заңнаманың үнемі бұзылу тәуекелі бар. Бұл контранбандалық және жемқорлық бейінде көрініс табуда», - деді.
Кедендік бақылау комитеті төрағасының сөзіне қарағанда, аталған проблеманы шешу үшін бүгінде бірнеше нұсқа әзірленген. Олардың қатарында заңсыз көліктік-логистикалық компаниядарды құқықтық алаңға шығару, кедендік әкімшілендірудің кедендік процедуралары регламенттерінің ашықтығын әрі нақтылығын қамтамасыз ету шараларын іске қосу жоспарланған.
