Қазақстан мен Беларусь блокчейн саласында меморандумға қол қойды
АСТАНА. ҚазАқпарат - «ТИБО - 2018» халықаралық телекоммуникациялық көрмесін өткізу аясында Қазақстан-Беларусь компаниясы мен Беларусь блокчейн қауымдастығы арасында ынтымақтастық туралы меморандумға қол қойылды. Бұл меморандум екі елдің мамандарының жаңа технологиялар саласында тәжірибе алмасуларына мүмкіндік береді. Бұл туралы Astana Hub IT-паркінің баспасөз қызметі хабарлады.
«Бұл көпұлттық технология. Блокчейн технологиясы мен криптовалюталық әлем негізінде тиімді шешімдер қабылдап, тәжірибе, кадр алмасу үшін осы меморандум жасалды», - деп пікір білдірді Үлестіру тізілімі технологиялар қауымдастығының директоры Станислав Баськов.
Беларусь Республикасы №8 декретінің арқасында блокчейн-жобалардың, майнинг пен криптовалютаның қызметін заңдастырды. Қол қойылған келісім қазақстандық мамандардың блокчейн мен криптовалюта әлеміндегі Беларусь тәжірибесін қолдануына мүмкіндік береді.
«Қазіргі таңда Беларусь Республикасының блокчейн-технологияларды реттеу және заңнамаларды қолдану бойынша тәжірибесі мол. Біз бұл жерден өзара ынтымақтастық үшін серіктестер, достар, әріптестер, инвесторлар және қызметкерлер тапқымыз келеді», - деп атап өтті Digital Contracts Group компаниясының өңірлік өкілі Сергей Соловеткин.
