Қазақстан мен Гвинея-Бисау президенттері «Астана» халықаралық қаржы орталығына барды

АСТАНА. KAZINFORM – Мемлекет басшысы Қасым-Жомарт Тоқаев пен елімізге ресми сапармен келген Гвинея-Бисау Президенті Умару Сисоку Эмбало «Астана» халықаралық қаржы орталығына барды, деп хабарлайды Ақорданың баспасөз қызметі.

Қазақстан мен Гвинея-Бисау президенттері «Астана» халықаралық қаржы орталығына барды
Фото: Ақорда
Қазақстан мен Гвинея-Бисау президенттері «Астана» халықаралық қаржы орталығына барды
Фото: Ақорда

АХҚО басқарушысы Ренат Бектұров қаржы орталығының құрылымы және қызметінің негізгі бағыттары туралы мәлімет берді. Оның айтуынша, екі ел орталық алаңында инвестиция, жасыл және исламдық қаржыландыру, сондай-ақ қаржы саласының мамандарын оқыту секілді басым бағыттар бойынша ынтымақтастық орната алады.

Қазақстан мен Гвинея-Бисау президенттері «Астана» халықаралық қаржы орталығына барды
Фото: Ақорда

Бүгінде АХҚО арқылы тартылған инвестиция көлемі 14 миллиард долларды құраған. Оның 6,7 миллиард доллары — Astana International Exchange биржасындағы портфельдік инвестициялар. Орталықта әлемдегі 85 елдің 3400-ден астам компаниясы тіркелген. Олардың қатарында Африка құрлығынан 6 компания бар.

Қазақстан мен Гвинея-Бисау президенттері «Астана» халықаралық қаржы орталығына барды
Фото: Ақорда

Қазақстан мен Гвинея-Бисау президенттеріне прецеденттік құқық нормалары мен қағидаттарына негізделген Орталық Азиядағы алғашқы сот жүйесі — АХҚО сотының, сондай-ақ Халықаралық төрелік орталығы мен Жасыл қаржы орталығының қызметі туралы баяндалды.

Қазақстан мен Гвинея-Бисау президенттері «Астана» халықаралық қаржы орталығына барды
Фото: Ақорда

Мемлекеттер басшылары АХҚО Қаржылық қызметтер көрсетуді реттеу жөніндегі комитетінің (AFSA) жұмысымен және қаржы орталығының реттеу режимінің ерекшеліктерімен танысты.

Айта кетейік, кеше Мемлекет басшысы Қасым-Жомарт Тоқаев Ақордада елімізге ресми сапармен келген Гвинея-Бисау Президенті Умару Сисоку Эмбалоны салтанатпен қарсы алғанын жаздық.

Кейіннен Қазақстан мен Гвинея-Бисау Президенттері бірлескен мәлімдеме қабылдағаны белгілі болды.

Соңғы жаңалықтар