Қазақстан мен Қырғызстанның шекарасында жер сілкінді
АСТАНА. 20 тамыз. ҚазАқпарат - Қазақстан мен Қырғызстанның шекарасында энергетикалық қуаты К=11,3 дәрежесінде жел сілкінісі болды,
деп хабарлады ҚР ТЖМ Білім және ғылым министрлігі ғылым комитетінің «Сейсмикалық тәжірибелік-әдістемелік экспедициясы» мемлекеттік мекемесінің ақпаратына сілтеме жасап.
Жер сілкінісі 20 тамызда сағат 11.31-де К=11,3 энергетикалық қуаты дәрежесінде болды. Жер дүмпуінің кіндігі Алматыдан оңтүстік-батысқа қарай 460 шақырым жерде 42о 37′ солтүстік ендік пен 71о 22′ шығыс бойлық кординаттарында болды. Жер дүмпуінің әсері MSK-64 бағаны бойынша Таразда 2 балл көлемінде сезілді. Құрбан болғандар мен қиратулар туралы мәліметтер жоқ, делінген хабарламада.
