Қазақстан мен Қытай Қорғас өзенінде «Достық» атты бірлескен су торабын салады
АСТАНА. ҚазАқпарат - Бүгін Парламент Мәжілісінің жалпы отырысында палата депутаттары «Қазақстан Республикасының Үкіметі мен ҚХР Үкіметі арасындағы Қорғас өзенінде «Достық» бірлескен су торабын салудағы ынтымақтастық туралы келісімді ратификациялау туралы» заң жобасын жұмысқа алды.
«Келісім негізінен Қорғас өзенінде Қазақстан мен Қытай Үкіметтері арасындағы «Достық» бірлескен ортақ су торабын бірлесіп салу мәселесін ерттейді. Су торабы ортақ қаржыландыру шарттары бойынша жүзеге асады», - дейді Мәжілістің Халықарлық істер, қорғаныс және қауіпсіздік комитетінің төрағасы Мәулен Әшімбаев. Оның айтуынша, комитет аталған келісімге ағымдағы жылдың 31 мамырына дейін қорытынды шығаратын болады.
