Қазақстан мен Өзбекстан арасында кеден бекеттері ашық
ТАШКЕНТ. ҚазАқпарат - Өзбекстандағы Қазақстан елшілігі қалыпты режимде жұмыс істеп тұр, деп хабарлайды Хабар 24.
Осы елдегі отандастарымызға құқықтық көмек көрсетіліп жатыр.
Өткен тәулікте консулдық қызмет өкілдеріне 200-ден астам адам қоңырау шалған.
Көбі - қазақстандық студенттер мен туристер. Олар елшіліктен елге қайту және шекарадан өту талаптарын сұраған.
Қазір екі ел арасындағы кеден бекеттері ашық. Азаматтар кедергісіз өтеді.
Тек әуе қатынасы шектелді, ұшақтар Нұр-Сұлтанға ғана қатынайды.
Өзбекстандық әуе компаниясы Алматы, Ақтау және Ақтөбеге рейстерін кейінге шегерді.
