Қазақстан мен Өзбекстан арасындағы тауар айналымы шамамен 2,5 млрд долларды құрады
ТАШКЕНТ. ҚазАқпарат – Қазақстан биылғы жылғы жеті айдың қорытындысы бойынша Өзбекстанның негізгі сыртқы сауда серіктестерінің «үштігіне» кіреді, деп хабарлайды ҚазАқпарат тілшісі.
ӨР Статистика агенттігінің мәліметінше, жылдың қаңтар-шілде айларында Өзбекстанның сыртқы сауда айналымы 34,9 млрд долларға жетті. Бұл өткен жылдың сәйкес кезеңімен салыстырғанда 23,3% көп.
Елдің басты сауда серіктесі Қытай болып қала береді. Елдер арасындағы айналым 6,9 млрд долларды құрады (жалпы көлемнің 19,7%-ы). Бұл көрсеткіш бойынша екінші орында Ресей тұр – 5,3 млрд доллар (15,1%). Өзбекстанмен тауар айналымы бойынша көшбасшы елдер үштігіне Қазақстан да кірді – 2,49 млрд доллар (7,1%).
Жалпы тауар айналымы құрылымында Өзбекстан Қазақстанға 807,7 млн долларға тауар экспорттады, ал импорт 1 1682,7 млн долларды құрады.
Бұған дейін хабарланымыздай, 2022 жылдың қорытындысы бойынша екіжақты тауар айналымы жоспарланған $5 млрд-қа жетті.
