Қазақстан мен Ресей арасында темір жолдағы тасымал рәсіміне өзгерістер енгізіледі - Парламент

АСТАНА. ҚазАқпарат - Бүгін Парламент Сенатының жалпы отырысында «2016 жылғы 15 тамыздағы Қазақстан Республикасының Үкіметі мен Ресей Федерациясының Үкіметі арасындағы Ресей темір жол учаскелері бойынша және Қазақстан Республикасының аумағында орналасқан Ресей Федерациясының темір жол учаскелері бойынша тасымалдау төлемдерін төлеу және жүк тасымалдарын рәсімдеу тәртібі туралы келісімге өзгерістер мен толықтырулар енгізу туралы хаттаманы ратификациялау туралы» ҚР Заңы қабылданды.

Хаттамаға сәйкес, аталған келісім ресейлік теміржолдың Озинки, Ақсарай ІІ, Құлынды, Золотая Сопка түйісу пункттерінен жүктерді тасымалдау кезінде қазақстандық теміржолда және қазақстандық теміржолдың Никельтау, Тобыл, Пресногорьков, Қызыл ту түйісу пункттерінен жүктерді тасымалдау кезінде ресейлік теміржолда төлемдерін төлеу тәртібін регламенттейтін баптар алынып тасталады.

Өйткені, 2009 жылы Қазақстан мен Ресей арасында аталған стансаларда орналасқан учаскелермен алмасу және тараптардың мемлекеттік шекарасының бөлуі орын алған болаты. Тұтастай алғанда, бұл өзгерістердің негізгі бағыты осы мәселеге байланысты болып табылады.

Жалпы алғанда заң жобасын қабылдау теріс экономикалық, әлеуметтік салдарға соқтырмайды.

Парламент қабылдаған Заң Мемлекет басшысының қол қоюына жолданады.