Қазақстан мен Швейцария арасындағы сауда айналымы 14% артты
АСТАНА. ҚазАқпарат - Бүгін Ақтауда Қазақстан Республикасының Инвестициялар және даму министрі Жеңіс Қасымбек Швейцарияның экономика, білім және зерттеу бөлімінің басшысы Йоханн Шнайдер-Амманмен кездесті, деп хабарлайды ҚазАқпарат тілшісі.
Жеңіс Қасымбек 2017 жылы Қазақстан мен Швейцария арасындағы сыртқы сауда айналымы 3 млрд. АҚШ долларынан асатынын атап өтті. Бұл 2016 жылға қарағанда 14% жоғары. Сол кезеңде Қазақстанға Швейцария экспорты да 14 пайызға өсті.
«Швейцария біз үшін Қазақстанның Еуропадағы стратегиялық және маңызды сауда-экономикалық әріптесі. Біздің бүгінгі кездесуіміз сауда-экономикалық байланыстарды одан әрі нығайтуға, өзара мүдделі салалардағы өзара қарым-қатынас салаларын кеңейтуге деген ұмтылысымыздың тағы бір дәлелі », - деп атап өтті Қазақстан Республикасының Инвестициялар және даму министрі.
Соңғы 12 жылда Швейцариядан Қазақстанға тікелей инвестициялардың жалпы ағыны 20 млрд. АҚШ долларынан асты. Бүгінгі күні Қазақстанда энергетика, көлік, инновация, медицина сияқты салаларда Швейцария капиталының қатысуымен 300-ден астам бірлескен кәсіпорын жұмыс істейді.
Йоxанн Шнайдер-Амманн өзінің келесі сапары екіжақты ынтымақтастықты нығайтуға бағытталғанын және Швейцарияда инновация мен цифрландырудың дамуы туралы айтты.
ҚР Инвестициялар және даму министрі Жеңіс Қасымбек екіжақты ынтымақтастықты одан әрі тереңдетуге дайын екенін білдірді.
Кездесу соңында қымбат металдар мен олардың өнімдеріне талдау белгілерін өзара тану туралы келісім жасау жөнінде бірлескен мәлімдемеге қол қойылды.
Осы келісімнің жасалуы елдер арасындағы тауар саудасын арттыруға көмектеседі, өндірушілердің нарықтарға өзара кіру мүмкіндігін ашады.
2016 жылы «Бағалы металдар және бағалы тастар туралы» Қазақстан Республикасының Заңы қабылданғандығын атап өту керек. Осыған байланысты осы саладағы ынтымақтастықты кеңейту өзекті мәселе болып отыр.
Бірлескен мәлімдемеге қол қойылғаннан кейін ішкі үйлестірудің қосымша рәсімі және Швейцария Конфедерациясының Федералдық Кеңесі мен Қазақстан Республикасының Үкіметі арасындағы бағалы металдарға және олардан жасалған бұйымдарға қатысты белгілерді өзара тану туралы тиісті келісім рəсімделді.
