Қазақстан мен Түркияның Ыстанбұлға жетуі тиіс бірқатар рейстері тоқтатылды
НҰР-СҰЛТАН. ҚазАқпарат - Ататүрік әуежайынан Ыстанбұл әуежайына көшу шараларына байланысты Қазақстан мен Түркияның бірқатар рейстері тоқтатылды. Бұл туралы ҚазАқпарат Азаматтық авиация комитетіне сілтеме жасап хабарлайды.
2019 жылдың 5 сәуірінде Ыстанбұл уақыты бойынша, сағат 03-00-де жолаушылар рейстерін «Istanbul Atatürk Airport» әуежайынан жаңа «Istanbul Airport» әуежайына көшіру жұмыстары басталды. Аталмыш шараларды 6 сәуір күні Ыстанбұл уақыты бойынша сағат 23-59-ға дейін аяқтау жоспарланып отыр.
Осылайша, «Istanbul Atatürk Airport» әуежайы биылғы жылдың 6 сәуірі күні Ыстанбұл уақыты бойынша, сағат 02-00-ге дейін жұмысын тоқтатады. «Istanbul Atatürk Airport» әуежайы жұмысын тоқтатқан соң, барлық коммерциялық ішкі және халықаралық жолаушылар рейстері 2019 жылдың 6 сәуірі күні сағат 14-00-ден бастап, «Istanbul Airport» әуежайы арқылы ұшырыла бастайды.
Осы жұмыстарға баланысты бірқатар қазақстандық және түркиялық әуе компанияларының Ыстанбұлға ұшуы тиіс рейстері тоқтатылды.
«Жолаушыларда аталған мәселеге назар аударуға шақырамыз»,-делінген хабарламада.
