Қазақстан негізінен Қытай, Ресей және Италия елдеріне тауар экспорттайды
АСТАНА. KAZINFORM – Сауда және интеграция министрлігі Қазақстанның 2023 жылғы сыртқы сауда нәтижелерін жариялады.
Ондағы деректерге қарағанда, тауар айналымының өсуі байқалады.
«Қазақстандық тауарларды өткізудің негізгі нарықтары Қытай, Ресей және Италия болып табылады. Қытай Қазақстанның басты сауда серіктесі болды.
Қазақстан Азия елдеріне (Қытай (+10%), Гонконгқа (+34%), Оңтүстік Кореяға (+30%), Вьетнамға (+64%) шикізаттық емес экспортты ұлғайтты», — деп жазды ведомстводан.
Тауар айналымындағы Қазақстан экспортының үлесі 56,3%-ды құрайды.
Экспорттың жалпы көлемінде өңделген тауарлардың үлесі - 32,1%.
Тауар нарықтарының саны 131 мемлекеттен 135 мемлекетке дейін өсті.
