Қазақстан-Өзбекстан шекарасында контрабандалық заттар тәркіленді

АҚТАУ. KAZINFORM – Маңғыстау облысы аумағына 4600 электронды темекі мен 264 литрлік виски бөтелкелерін заңсыз әкелмек болған азамат ұсталды.

пополрпроп
Фото: Маңғыстау мемлекеттік кірістер департаменті

Маңғыстау облысы бойынша Мемлекеттік кірістер департаментінің мәліметінше, Қазақстанның аумағына әкелуге тыйым салынған, декларацияланбаған спирттік ішімдіктер мен электрондық темекі партиясы «Тәжен» кеден бекетінде анықталды.

— 1 желтоқсан күні Қазақстан–Өзбекстан шекарасында орналасқан «Тәжен» кеден бекетінде жолаушылар және көлік ағынын бақылау барысында Yutong көлігінің багажын тексеру кезінде 22 қорап Jack Daniels вискиі табылған. Сонымен қоса, 460 қорап Waka электронды темекісі шықты. Оның 1 қорабында 10 дана темекі бар. Аталған дерек бойынша тергеу жүргізіліп, сараптама тағайындалды, — делінген хабарламада.

Бұған дейін, Ұлттық қауіпсіздік комитеті «Cola» сусынына қосылған есірткінің ірі партиясының жолын кескені туралы жазған болатынбыз. 

Соңғы жаңалықтар